當傳統工藝遇上時尚首飾時⋯｜港誌

今時今日買珠寶首飾有乜可以選擇？霸晒成條彌敦道嗰幾間的本土大連珠寶店，價錢 mark-up 高，仲要捱大陸工廠式手工，quality 參差，實際大家買到的未必係物有所值的貨。或是追求國際品牌，甘心用上 mark up 咗十倍以上嘅價錢，去養活嗰班品牌 logo。就因為咁，大家好少話無啦啦去睇下鑽石或珍珠嘅高級珠寶首飾，都真係有需要，結婚先捨得去揀下鑽石戒指。結婚就一生人一次，之後是否成世人都唔會買珠寶？

其實係三十年前，香港珠寶業係好蓬勃，有好多不同自家小店，百花齊放，並唔似今日只有大集團籠斷。當時香港人買首飾有好多選擇。但可惜因為中國人思想只為賺錢行先，就將珠寶製作工序搬上內地。為咗降低成本，當珠寶首飾好似成衣或塑膠玩具咁，一模一樣咁啤出來。本來係文化工藝品，就糟蹋變成只為賺錢，冇晒靈魂嘅喪屍。從來冇想過，如何保育香港本土工藝文化。曾幾何時珠寶業界，確實培育好多高造詣工藝巧手嘅打金師傅。每件人手打造嘅珠寶首飾，都賦予生命一樣，活生生有靈魂。到咗呢個年頭，他們已經上咗年紀，好多已經退咗休，又冇後生肯入行，可以由頭到尾一手一腳打造一隻完美無瑕鑽石戒指嘅老師傅，已經可以話面臨絕種。最近小編無意中發現網上有條片，拍攝一個白髮師傅，點樣由頭到尾，用一條幼金條，打造一隻簡單嘅碎鑽線戒：

段片片尾有出公司嘅名稱，再加深揾料，先知道原來係一間香港本土小店，唔係上樓舖，他們門市身處於酒店內，屹立不倒超過三十年，一直堅持自家香港工場，保留老師傅嘅工藝。佢哋出品嘅珠寶首飾，手工精細不再話下，每件都好似藝術品一樣。有走成熟路線嘅，又有好似台慶嘅排場嘅。幾年前，佢哋嘅第二代，為其下開創咗一個自家嘅年輕品牌，走時尚簡約路線。理念係想保留傳統香港人手工藝之餘，最重要想打破傳統觀念，高級珠寶只係有錢人嘅專利。年輕一代亦可用數千元嘅價錢，就可以擁有手工細緻，配上高質鑽石同珍珠嘅高級珠寶首飾。

呢個品牌叫做 LBLH，全名叫做 Liza by Liza House。因為第一代老店名叫 Liza House。Liza 係珠寶店的創辦人，亦係第二代兼設計師 Vicky 嘅母親。設計師想承傳母親創辦 Liza House 嘅理念，以用家配帶時舒適嘅角度出發，以心對人，維繋彼此嘅人情味，而將品牌取名為 LBLH。佢哋不但有自我風格嘅設計 Collections，亦有為客人一對一嘅度身訂製服務，幫客人設計專屬閣下獨一無二款式嘅首飾。正正就係 LBLH 所帶出嘅 Be Simple to Sparkle！

當傳統工藝遇上時尚首飾時⋯

1) 人手打造珠寶工藝

2) 傳統與時尚

3) 以人為本、用心設計之本地品牌